Ito yung mga may jeep na tinatawag na 'patok'-- na patok-na-patok sa mga estudyante at ilang pasahero na karaniwa'y nasa Antipolo-Marikina-Cubao-Manila area.
Ito rin yung mga ubod-bilis sa pagmamaneho ang mga drayber na bidang-bida sa kani-kanilang modern-looking jeep.
Pero syempre, hindi naman daw lahat natutuwa sa mga 'patok' na jeep.
Sa sobrang ingay sa loob ng jeep, ang pagbabayad at pag-para ay pahirapan.
Kahapon, kinumpiska ng mga taga-MMDA ang mga stereo ng mga naturang jeepney driver na malakas daw magpatugtog.
+++
Kwela ang kwento ni Wilbert sa aniya'y minsang pagbili nya sa tindahan ng isang sitsirya.
Kapwa raw tawa sila nang tawa ng dalagang tindera dahil sa litanya nyang 'Isang kiss nga.'
Paano kasi, KISS ang pangalan ng sitsirya.
+++
Isyu pa rin ang galit-galit sa mana-mana sa angkan nina Sen. Jamby Madrigal.
Iginigiit ng senadora ang kanyang karapatan.
Pahayag pa nya sa programang Bandila [ABS-CBN2], pineke ang pirma ng kanyang namayapang tiyahing si Doña Chito Madrigal sa inilabas umano nitong Last Will and Testament. Kaya naman, ipapawalang-bisa niya ito sa korte.
Ni kusing, wala kasing matatanggap si Sen. Jamby pero ang ilang kaanak-- oo.
Sinasabing naibigay na raw kasi sa senadora ang parte ng mana na ginamit daw nito nang kumandidato noong eleksyon.
Nilinaw ng senadora galing sa kanyang ama ang nasabing pondo sa kanyang kandidatura.
Tila nga't malaki ang iringan sa loob ng angkan-Madrigal.
+++
Out na si Jason Castro sa American Idol.
Mukha ngang naka-apekto sa votes nya ang pagkakalimot nya ng ilang bahagi o lyrics ng Mr. Tambourine.
Ang tatlong natitira sa AI-- sina Syesha Mercado, David Cook at David Archuleta.
Hmmm...parang mas malamang manalo si Mr. Cook. Siya ang medyo 'versatile' sa kanilang mga 'survivor.'
Bet din ng dating AI contestant na si Ramielle Malubay si David Cook.
No comments:
Post a Comment