Thursday, November 6, 2014

TECHNICAL ERROR NG GLOBE... DISHONESTY



Sa apat na taon kong pagiging Globe Postpaid subscriber, ngayon lang ako naburaot sa kanila.

Tapos na ang isa kong kontrata at plano kong magpa-recontract at i-avail ang bagong smartphone. In the past 2 weeks, ilang customer hotline agents ng Globe ang nakausap ko at humingi ng details sa possibility ng pag-avail ko sa offer.

Heto ang offer para sa gaya ko raw na matagal nang Globe subscriber, for Plan 999 plus presyo ng handset ay puwede ko palang makuha na walang cashout. Ikakarga ang handset price sa magiging monthly billing ko. So, kinagat ko, finally, the reservation done last October 31 at mapi-pickup ko raw ang unit on November 7.

Last Wednesday morning (November 5), tinopak lang ako na tumawag ulit sa Globe hotline at i-followup ang possible arrival na ng bagong phone ko. Doon lang sa akin sinabi ng agent na may "technical error" na nangyari raw sa reservation ko.

Hindi na raw sila nag-o-offer ng "no cashout" sa loyal subscribers; instead, icha-charge ito sa credit card. Nagalit ako, pina-cancel ko na ang reservation.



Late afternoon, same day, tumawag ulit ako sa hotline, doon ako naglabas ng galit. Nag-apologized naman ako paulit-ulit sa agent na sumagot sa akin pero alam ko naman kasi na nire-record ang conversation namin kaya sinamantala kong mag-diretso singhal sa kanila-- mga matalinong tao na nag-imbento ng "technical error" kuno. Negosyanteng-negosyante ah. Eh, huwag naman tayong garapal sa kaswapangan ha kahit minsan. Palibhasa, alam nyong hindi agad kakalas sa inyo ang customer or I should say, you don't care at all kasi may darating din namang kapalit di ba?

Technical error ng Globe... dishonesty on their customers.

Paliwanag naman ng agent, late na raw ang change of rule sa kanila. Whoah, ambilis ha... from October 31 kung kailan nag-start ang pagtanggap ng Globe ng reservations for the smartphone?!? Ang nakakaasar, kung hindi pa ako tumawag ay saka nila sasabihin sa akin?

How clever, last November 3 (Monday), may tumawag pa sa akin na Globe agent at kinunan ako ng sangkatutak na feedback sa kanilang customer hotline services.

Anyway, pinag-iisipan ko pang tuluyang huwag nang i-renew ang kontrata. Mayroon pa naman akong other line na Globe rin although mas mababa ang plan. Yeah, I know, wonderful pa rin ang mundo ng Globe hahaha

Thursday, October 9, 2014

REVIEW: MY DESTINY


Malapit nang matapos ang GMA teledrama "My Destiny" na pinagbibidahan nina Tom Rodriguez (Matthew) at Carla Abellana (Grace).

Bagaman hindi ko 100% itong nasusubaybayan, nakukuha ko naman ang mensahe ng kwento. 

Itinadhana raw sa isa't isa sina Matthew at Grace. Hanggang sa ma-meet din ni Joy (played by Rhian Ramos) si Matthew noong siya'y nagpapagamot sa ospital dahil sa malalang sakit. Si Matthew ang nag-alaga sa kanya. Kapatid ni Grace si Joy. 

Nakikita nina Grace at maski ng mga magulang nila ni Joy ang mabilis na paggaling ng kapatid sa tulong ni Matthew... kaya naisipan nilang hayaang magka-"ibigan" ang dalawa, sa consent na rin ng lalaki.

Sa huli, nabuko ito. Nagalit si Joy. Si Grace, napilitang kumalas kay Matthew at magtrabaho muna abroad. Nalugmok sa emotional crisis ang kanilang pamilya at maging si Matthew.

Screenshots from www.gmanetwork.com

Unti-unti nga lang akong nadi-disappoint sa pagkawala ng dignidad ng main characters na sina Matthew at Grace. Tila nawawala ang moral values nila na dapat sana ay napapanatili sa kuwento bilang inspirasyon sa mga manonood.

Si Matthew, nagawa pa muling makipagmabutihan kay Joy, sa kabila ng gulo at pagka-broken hearted mula kay Grace. Sa pagkakakilala ng viewers kay Matthew mula sa umpisa ng teledrama, makatwiran nga bang bigyan siya ngayon ng image na "nanunuhog ng magkapatid"? 

Naghahabol na rin si Matthew sa responsibilidad sa kanyang anak kay Grace. Subalit, makatwiran bang muling buhayin ang paghahabol niya sa babae kahit kasal na ito?!

Si Grace naman, pumayag makasal sa isa pang character na si Jacob (played by Sid Lucero) na kusang nag-ako ng responsibilidad sa pinagbubuntis nito kahit di siya ang ama. Tinanong na rin noon ni Jacob ang babae tungkol sa damdamin nito kay Matthew pero hindi naging tapat si Grace sa kanyang sagot. Lumalabas ang imahe ngayon ng bidang babae na "gold digger" o kaya'y "user" at naghanap ng lalaking panakip-butas niya at sasalo sa kahihiyan niya raw. Ngayon ay iniisip nang makipaghiwalay kay Jacob nang walang kaabug-abog para lang makasama ang "ex-boyfriend". Makatwiran din ba ang ibinibigay ngayon na imahe kay Grace gayong iba rin ang pagkakahubog sa kanyang character sa simula ng palabas? Sabagay, yung mga taong akala mo hindi makabasag-pinggan ay nasa loob pala ang kulo?!


Sa natitirang episodes ng teledrama, nagiging kontrabida pa tuloy si Jacob. Siya raw ngayon ang hindi marunong magparaya para sa dalawang taong panay sarili lang ang inisip at "my destiny" ang drama sa buhay.

What makes this show unique... hindi pala lahat ng bida ay 100% mabait at dapat tularan. Mag-iisip ka tuloy kung paano ito tatapusin ng producers/ writers. Nakakatuwa at nakakainis ang twist ng kuwento. 

Kung gagawa ako ng mala-fan fiction finale episode, tatanggapin na nina Grace at Matthew ang katotohanang hindi sila ang "destined" sa isa't isa. Tuloy ang pag-ako ni Matthew sa sustento sa kanilang anak. Si Jacob, matututunan niyang patawarin ang dalawa; tuluyang pakakasalan si Grace sa simbahan at magsisilbi pa ring parang tunay na ama sa anak ni Grace. Si Joy, mapapatawad muli si Grace at makahahanap din paglaon ng sariling kabiyak.