Nagtatalo ang iba kong kasama sa trabaho kung dapat bang gamitin ang salitang 'askal'?
Para kasing nade-degrade o nadi-discriminate ang mga 'asong kalye' sa mga may-breed na aso.
Sa isa ngang news report noon sa GMA, gumamit pa ng salitang 'ASPIN' para palitan ang salitang 'askal.'
ASPIN means 'asong Pinoy.'
Kung tutuusin, sabi ng iba, eh, 'askal' naman talaga ang mga iyon.
Debate heats up!
Ako?!
Isa lang ang punto ko-- lumaki ako dito sa mundo na ang tawag sa aso ay aso.
Kung may makikita akong may half-breed o imported na aso-- aso pa rin ang tawag ko sa kanya maliban na lang kung uusisain pa sa akin kung anong lahi nya, tama?
Kung ang aso mo naman ay 'native' dito sa atin-- don't worry, aso pa rin ang tawag ko dyan.
Hindi ko personal na ginagamit ang salitang 'askal' to refer such dog.
Paniwala ko, inimbento lang ang salitang 'askal' ng mga taong mababa ang tingin sa aso o kung hindi man ay ng mga taong nagma-may-ari at nagbibida sa kanilang imported dogs.
Hindi ako ipokrito para sabihing wala naman akong ganoong kalaking espesyal na pagtrato sa hayop-- pero, para sa akin-- malaking kahunghangan talaga ang pagiging sobrang talino ng iba... na tipong kapag may nakita silang iba o hindi nila kapareho ay tila napakadali na sa kanila ang manghusga at magbansag.
Paraan lang nila iyon para mahiwalay sa iba...umangat sa iba.
Tsk, tsk!
Kahunghangan.
No comments:
Post a Comment